CEFNDIR

Cyhoeddodd Canghellor y Trysorlys y Cynllun Grantiau Cofebion yng Nghyllideb Mawrth 2005. Mae'r cynllun wedi'i anelu at elusennau, ond mae grwpiau ffydd sydd wedi'u heithrio rhag cofrestru fel elusennau'n gymwys hefyd. Bydd y cynllun yn dychwelyd mewn cymorth grant gyfanswm y TAW a godir wrth adeiladu, adnewyddu a chynnal a chadw cofebion ar neu ar ôl 16 Mawrth 2005.

Mae'r cynllun ad-dalu yn berthnasol i gofebion ar ffurf cerfluniau, cofadeiladau a strwythurau tebyg.

Mae'r Llywodraeth wedi gwneud cynigion i'r Comisiwn Ewropeaidd i godi cyfradd TAW lai yn barhaol ar adeiladu, adnewyddu a chynnal a chadw cofebion. Mesur dros dro yw'r Cynllun Grantiau Cofebion. Bydd yn gweithredu hyd at 31 Mawrth 2011 oni bai y ceir cytundeb ynghynt ar gyfradd lai barhaol. Mae'r cynllun yn cael ei weinyddu gan DCMS ar gyfer y Deyrnas Unedig gyfan.