LLENWI’R FFURFLEN GAIS

Adran 1 - Manylion y Gofeb

C1: Ai strwythur yw'r gofeb?

Er mwyn cael ei alw'n strwythur, rhaid bod modd gwneud gwaith adeiladu a chynnal a chadw / adnewyddu arni. Rhaid iddi fod at ddibenion coffáu yn unig. Nid yw unrhyw gofeb sydd â dau ddiben (h.y. llyfr, sedd / mainc) yn gymwys.

C2: A yw'r gofeb wedi'i lleoli yn y DU/Tramor?

Mae rhai cofebion wedi'u lleoli dramor (e.e. Cofebion y Rhyfeloedd Byd). Cyhyd â bod yr holl feini prawf eraill wedi'u bodloni, a bod TAW y DU wedi'i thalu, mae'r rhain yn dderbyniol o dan y cynllun.

C3: Rhowch fanylion am union leoliad y gofeb.

Rhaid i gofebion gael eu lleoli mewn ardaloedd sy'n agored i'r cyhoedd am o leiaf 30 awr yr wythnos. Nodwch yr union leoliad (h.y. parc, mynwent, adeilad).

C4: Os ydych yn hawlio ar gyfer cynnal a chadw neu atgyweirio, pa bryd y codwyd y gofeb?

A fyddech cystal â chadarnhau pryd y codwyd y gofeb, ac a gafodd y strwythur ei godi fel cofeb yn wreiddiol.

C5: A yw'r gofeb yn agored i'r cyhoedd am o leiaf 30 awr yr wythnos?

Dim ond cofebion sy'n agored i'r cyhoedd am o leiaf 30 awr yr wythnos sy'n gymwys. Nid yw'n gwneud gwahaniaeth a yw'r mynediad am ddim neu a godir tâl, ac mae mynediad drwy gael allwedd oddi wrth ddeiliad allwedd hefyd yn gymwys.

Nid yw cofebion elusennau preifat sy'n bodoli tu ôl i ddrysau caeedig (e.e. cerfluniau mewn ysgolion neu mewn ardaloedd nad ydynt yn gyhoeddus mewn adeiladau dinesig eraill) yn gymwys o dan y cynllun.

C8: A oes gan y gofeb arysgrif goffaol? Rhowch fanylion.

Rhaid nodi'r arysgrif goffaol lawn.

Rhaid i cofebion dangos arysrif i canfod pwrpas y cofeb. Dyla'r testun o'r arysgrif gael ei gynnwys yn cwestiwn 8 o'r ffurflen gais.

Adran 2 - Cyfrifoldeb

C9: Pwy sy'n gyfrifol am y gofeb - Elusen gofrestredig neu grŵp crefyddol?

Mae'r cynllun wedi'i gyfyngu i elusennau a grwpiau crefyddol sydd wedi'u heithrio rhag cofrestru fel elusennau. Mae cynhaliaeth llawer o gofebau cyhoeddus yn gyfrifoldeb awdurdodau lleol, ond am na chodir TAW, nid yw gwariant gan awdurdodau lleol yn gymwys o dan y cynllun.

Rhaid darparu manylion llawn yr elusen er mwyn gwirio ei statws cofrestredig. Rhaid bod gan grwpiau ffydd sy'n gwneud cais gyfansoddiad ffurfiol.

Atgoffir grwpiau eglwys am yr angen i gael ffacwlti, neu awdurdod cyfatebol mewn enwadau eraill, o ran gwaith sy'n ymwneud â chofebion mewn eglwys neu fynwent.

Adran 3 - Eich Hawliad

C16: Rhowch ddisgrifiad byr o'r gwaith.

Os na roddir manylion llawn ar yr anfoneb, llenwch yr adran hon o'r cais. Os nad yw'r anfoneb, na chwestiwn 16 yn rhoi manylion y gwaith, caiff y cais ei ohirio, ac o bosibl ei ddychwelyd. Ni allwn gyfeirio yn ôl at geisiadau blaenorol; caiff pob hawliad ei drin yn unigol.

C17: Rhowch ddyddiadau ar gyfer y gwaith a hawlir.

Dim ond gwaith ar ôl 16 Mawrth 2005 sy'n gymwys o dan y cynllun. Os bydd yr anfoneb a gyflwynir yn ymwneud â gwaith a ddechreuwyd cyn 16 Mawrth 2005, rhaid datgan hyn ar y cais. Dim ond TAW a dalwyd ar yr elfen o'r gwaith a wnaed ers 16 Mawrth 2005 a ad-delir drwy'r cynllun hwn.

C18: A wnaed y gwaith gan gontractiwr sydd wedi'i gofrestru at ddibenion TAW?

Dim ond gwaith a wnaed gan gontractwyr sydd wedi'u cofrestru at ddibenion TAW sy'n gymwys. Nid yw deunyddiau'n unig yn dderbyniol. Rhaid i'r anfoneb ddangos rhif cofrestriad TAW y contractiwr.

C19: A yw'r sefydliad sydd â chyfrifoldeb cyfreithiol dros y gwaith wedi cytuno cyfradd TAW effeithiol lai?

Lle gall sefydliad adfer TAW yn rhannol o Dollau Cartref a Refeniw EM, dim ond y TAW na ellir ei hadfer all gael ei hawlio drwy'r cynllun hwn. Rhaid i'r ganran sy'n berthnasol i'r cynllun hwn gael ei wneud yn glir ar y cais. Yn yr achosion hyn, dim ond pan fydd y cyfraddau perthnasol wedi'u cytuno ag HMCR y dylid cyflwyno ceisiadau.

C22: Tabl ar gyfer cofnodi anfoneb

Gellir cyflwyno hyd at 10 anfoneb i bob cais.

Adran 4 - Eich Manylion Talu

Rhaid rhoi manylion llawn.

BANCIAU: rhaid i hyn gynnwys enw'r banc, y cod didoli, enw'r cyfrif, a rhif y cyfrif, y mae'n rhaid iddo BEIDIO Â bod yn fwy nag 8 digid.

CYMDEITHASAU ADEILADU: rhaid i hyn gynnwys enw'r gymdeithas adeiladu, y cod didoli, enw'r cyfrif, y rhif cofrestr, y mae'n rhaid iddo BEIDIO Â bod yn fwy nag 8 digid.

Adran 5 - Manylion Cyswllt/Talu

Y person a nodir fel y cyswllt fydd yr unigolyn y dychwelir y taliad a'r gwaith papur gwreiddiol iddo. At y person hwn hefyd y cyfeirir ymholiadau. Am na allwn drafod gwaith gyda thrydydd parti, rhaid i'r person cyswllt fod yn gwbl gyfarwydd â'r cais a'r gwaith.

Yn achos ymholiadau, byddwn yn ceisio cysylltu â chi ddwywaith ar y ffôn / e-bost. Os nad allwn ateb yr ymholiad yn llwyddiannus yn ystod y galwadau hyn, caiff y cais ei ddychwelyd i'w lenwi ymhellach.

Adran 6 - Datganiad

Gall unrhyw un sydd â swydd yn y sefydliad sy'n gyfrifol am y gofeb lofnodi.

[Brig y Dudalen]